Wednesday, February 22, 2012

كريم خوزام


انهاردة يا كريم واقفين عشانك

واقفين بس كان نفسنا نكون مكانك

والنهاردة عشانك هنقول بأعلي صوت

مين الكاذبون حتي لو هنموت


بكت عليك كام عين

واتجرح فيك كام قلب

و عدي علينا سواد الليل

واحنا لسه تحت حكم العسكر الكلب


كلنا عشانك واقفين

كلنا للحريه طالبين

يعني هي الجامعة هتعملنا ايه

ناقص ترفدنا لكن ليه


عشان بندافع عن واحد مات

و لا عشان مبني اليوو و السيهات

معلش يا يوو معلش يا سي

اصل اللي مات ده مكنتيش دريانه بيه

اعدتي تاكلي و تقطعي فيه

و هو يعيني مع الكورة تلاقيه


هنجيب حقك يا خوزام

هما لسه ميعرفوش احنا كام

كام واحد بيهتف و يصرخ ليك

اصل الحرية كانت في ايديك


ارتاح يا كريم هنكمل المشوار

ده انت سبت وراك كتير ثوار




ن.م. ٢٣/٢/٢٠١٢




1 comment:

  1. مساء الخير ..سيدتي

    ومدونة رائعة وجميلة

    سرني المساء هنا

    دمتم بكل ود

    ReplyDelete